M I S O

...Хүнд загнуулахгүй байх нь нэгэн талаар "шийтгэл". Буруу зөвөө мэдэхгүй явах нь ямар үр дагаварт хүргэх вэ? Жоохон байхдаа ч үгүй мөн их сурдуулдаг байж дээ, эмээдээ... одоогоор ганц сурдчихвал "хүүхдийг хүчирхийлсэн" хэрэгт орох ч гэлээ би байх ёстой зүйл гэж боддог, зэмлэл магтаал хоёрын тун таарахад л болно. Харин яаж тааруулах жороо л олох хэрэгтэй болов уу даа...  Ээж аав хоёроосоо хол амьдрах нь зэмлэлээс минь холдуулчихав уу даа...

Би “ёстой нээрээ” гэдэг үгийг их ашигладаг, аймаг орон нутгийн хэллэг гэж ерөнхийдөө хэлж болно. Яг “биддээ” шиг... өчигдөр энэ хэллэгээсээ болж утасны цаанаас “п...” дуудсан хэрэгт орлоо. Ёстой их доромжлууллаа... Хойшдоо анхаарч ижил дуудлагатай үг хэллэгийг дахиж хэлэхээ больж үзье, арайч дээ, ингэж эвгүй байдалд орох гэж, хэзээ ч хэлж байгаагүй үгнийхээ төлөө...

Уур амьсгал өөрчлөгдөж байна... Байгал дэлхий дээр ч, хүн дээр ч... Ёстой нөгөө шалгарал л одоо явагдах байх даа. Би хэр өөрчлөгдөж байгаа бол? Над нөлөөлөх нөлөөллүүдээс, мөн орчноосоо... Ямар ч байсан сайн муугаар өөр ондоо хүн болж л байгаа байх... Хүнийг юу илүү өөрчилдөг бол? Гэр бүлээс илүү/ аав ээж эгч дүүгээс ондоо/... Хүн л хүн л хамгийн их өөрчлөгддөг, мөн өөрчилдөг... Намайг бүүр жаахан байхад эмээ маань оршуулгын газар луу ээж рүү гээ хааяа нэг очдог байлаа. Би их айна... Тэгтэл эмээ үхсэн хүнээс илүү амьд нь аюултай... Амьд хүнээс л айж яв гэж хэлсэнсэн. Тэр үедээ харин ч үгүй ш дээ эмээ, яагаад?... гэтэл чи өөрөө том болохоороо мэднэ ээ гэсэн. Би одоо мэдлээ эмээ. ХҮН зөвхөн ХҮНЭЭС Л айж явах ЁСТОЙГ...

Би мэргэжил сонгохдоо тухайн мэргэжлийнхээ өнгөцхөн төсөөллөөс нийгэм дээрээ сайн өгч чадаагүй уурандаа болон эгчийн манай сургуулийн хуваарь байвал түүнийг авчих гэж зөвлөснөөр нь яг үнэнийг хэлэхэд сонгочихсон байсан бололтой. Дараа нь гарах үр дагавар, энэ сонгосон мэргэжлээрээ дөрвөн жил суралцаад дөч тавин жилийнхээ хоолыг олж иднэ гэж төсөөлж бодоогүй дээ нэг бодлын алдсан ч юм шиг. Төрсөн ахтай, эсвэл эгчтэй байсан бол миний өмнө нь нэг нь сураад өөрийн дүү шигээ сэтгэл гарган зөвлөсөнсөн бол гэж би үе үе харамсдаг байжээ. Гэхдээ хүн өдөр тутмын нэг үйлдэл, хөдөлгөөн давтаад л байвал бас дадчихдаг “нийгмийн бас байгалийн” амьтан учир би ч мөн дадаж, орчиндоо бага багаар дассан бололтой. Одоо өөрийн сонгосон энэ замаараа мөрөө үлдээж туршлага хуримтлуулахаар зорин явна. “Ажиллаж үзэх, амьдрах” – аав ээжээсээ мөнгө зулгаан сурахаас тэс хөндлөн газар тэнгэр шиг ялгаатай юм аа. Одоо тэр хичээл дээр үзсэн мэдлэг чинь аан энд хэрэгтэй байж энэ тэр гээд практиктай тулган байна. Мөн са...